Vindur í seglum. Saga verkalýðshreyfingar á Vestfjörðum I

Sigurður Pétursson (Höfundur)

Vindur í seglum segir frá fyrstu verkalýðsfélögum sem stofnuð voru á Vestfjörðum, viðbrögðum atvinnurekenda, kröfum verkafólks, hatrömmum pólitískum átökum, fyrstu rauðu bæjarstjórninni á Íslandi, verkfallsbaráttu og kosningasvindli.

Í bókinni er lýst tímum umbreytinga og uppbyggingar á Vestfjörðum. Þorp og bæir mynduðust við ströndina og ný viðhorf ruddu sér leið inn í vestfirskt samfélag. Verkafólk og sjómenn mynduðu samtök og kröfðust áhrifa undir merkjum jöfnuðar og réttlætis.

Fjallað er um örlög fyrstu verkalýðsfélaganna á Ísafirði, Þingeyri og Bíldudal; hvernig verkalýðsfélögin og jafnaðarmenn komust til valda á Ísafirði; hvernig verkalýðshreyfingin fetaði sín fyrstu skref í andstöðu við atvinnurekendavaldið í Hnífsdal og Bolungarvík, á Flateyri, í Súðavík og á Patreksfirði. Þá segir frá stofnun Alþýðusambands Vestfjarða og fyrstu starfsárum þess.

Útgefandi er Alþýðusamband Vestfjarða. Skrudda dreifir bókinni.

506 bls. | 240 x 170 | 2011 | ISBN 978-9979-655-75-6