Funhildur. Öskurapi eða óperusöngkona

Gerður Berndsen (Höfundur)

Funhildur fæddist með einhverja þá háværustu rödd sem um getur. Öskrin sem bárust frá fæðingarheimilinu þegar danglað var í bossann á henni voru svo hrikaleg að í öllu hverfinu lyftust þökin af húsunum.

Þetta væri ekki í frásögur færandi ef óhljóðin hefðu aðeins heyrst þetta eina sinn. En það var öðru nær. Skerandi hávaðinn í Funhildi átti eftir að valda kostulegum uppákomum og koma henni og foreldrum hennar í margvísleg vandræði.

Ekki bætti úr skák að hún varð hin versta frekjudós og lærði fljótt að nota röddina til að ná sínu fram.

Bráðskemmtileg saga um stelpu sem veit ekkert hvað hún á að gera við skapið í sér.

Hvað gera foreldrar hennar í málinu? Hvernig fer fyrir svona stelpu?

134 bls. | 150 x 230 | 2008 | ISBN 978-9979-655-33-6