Listaætt á Austursveitum

Þórður Tómasson (Höfundur)

Bók þessi fjallar um höfuðsnilling í skrautsmíði í málm til reiðtygja, og raunar í smíði yfirleitt, Skaftfellinginn Ólaf Þórarinsson bónda í Seglbúðum í Landbroti og víðar (1768-1840) og um niðja hans sem gátu sér frægðarorð í útskurði og málmsmíði. Hún nær yfir meira en 200 ár í sögu og tekur til 6 ættliða. Hún á sér hvað það varðar enga hliðstæðu í bókagerð. Verk Ólafs voru til skamms tíma öllum grafin og gleymd, hvíldu án höfundar í minjasöfnum innan lands og utan. Hér er löngu liðinn þjóðhagi líkt og vakinn til lífs. Bókin talar jafnframt sterku máli um safnstarf sem unnið hefur verið í Byggðasafninu í Skógum um meira en hálfrar aldar skeið og gert það að þjóðfrægri menningarstofnun.

187 bls. | 172 x 240 mm | 2006 | ISBN 9979-772-76-x