Mannslíf í húfi

Hér er í máli og myndum sögð saga Slysavarnafélags Íslands. Félagið varð á skömmum tíma ein öflugasta félagshreyfing landsins. Síðustu árin hafði félagið 90 vel búnum og þjálfuðum björgunarsveitum á að skipa. Haustið 1999 sameinuðust Slysavarnafélag Íslands og Landsbjörg, landssamband björgunarsveita og Slysavarnafélagið Landsbjörg varð til. Þar með höfðu allir sem störfuðu á þessum vettvangi snúið bökum saman til að vinna að sameiginlegum markmiðum.