Lýsing
Geirlaugur Magnússon (1944–2005) er tvímælalaust eitt af helstu skáldum sinnar kynslóðar. Hann sendi frá sér 17 ljóðabækur sem allar hafa verið ófáanlegar um nokkurt skeið og er því mikill fengur að þessu hundraðljóða úrvali. Geirlaugur fór að mörgu leyti sínar eigin leiðir í ljóðlist sinni, málfar hans er meitlað og ljóðmyndir hans geta á stundum verið myrkar og liggja ekki ávallt í augum uppi en gefa lesandanum því meira til að velta vöngum yfir. Hann var einnig mikilvirkur ljóðaþýðandi, einkum úr pólsku og eftir hann liggja þrjú söfn pólskra ljóða. Þetta úrval hefur að geyma ljóð úr öllum hans bókum og ætti að gefa lesendum einstakt tækifæri til að kynnast ljóðheimi Geirlaugs Magnússonar.
Umsagnir
Það eru engar umsagnir enn.