Ósköpin öll. Sannleikskorn úr sambúð

Flosi Ólafsson (Höfundur)

Ritverkið Ósköpin öll á brýnt erindi til allra þeirra sem hyggja á sambúð ekki síður en þeirra sem þegar hafa stofnað til sambúðar og eru í sambúð að ekki sé nú talað um þá fjölmörgu sem eru að gefast upp og slíta sambúð. Hjá öllu þessu góða fólki þyrfti bókin helst að eiga sér samastað á náttborðinu, í kompaníi við sporabækur, guðsorð og annað lesmál sem stuðlað getur að lífshamingju almennt.

Bókin eru glefsur úr hálfrar aldar sambúðarsögu heiðurshjónanna Flosa og Lilju á ofanverðri 20. öld, eins og Flosi man best og eru textarnir í ritinu byggðir á fjölda heimilda um þetta athyglisverða lífshlaup frá því sambúðin hófst og fram á þennan dag. Þetta eru dagbókarbrot, sneplar, uppköst, minnismiðar og jafnvel slitur úr prentuðu máli og allt skrifað í hálfkæringi eins og höfundar er von og vísa.

168 bls. | 215 x 142 mm | 2003 | ISBN 9979-772-25-5