Bókasafnið

Description

Þórarinn er ungur plebbi sem aldrei hefur lesið bók, hatar móðurmál sitt, elskar ensku og tölvuleiki. Himnamóðirin og Röddin veðja um hvort þeirri síðarnefndu takist að fá hann til að bögglast í gegnum bók. Takist honum það ekki muni Himnamóðir hirða sál hans eftir dauðann. Þá gerist það að Þórarinn er allt í einu hrifinn inn í heim Bókasafnsins. Þar eru bækur eftir Stefán Snævarr í hillum, bækur af aðskiljanlegasta tagi. Röddin ávarpar Þórarin og segir að hann verði að lesa þessar bækur ef hann eigi að sleppa út úr Bókasafnsheiminum. Hann neyðist nú til að hefjast handa … Bókinni lýkur með óvæntum hætti.

Í þessari bók er í sífellu reynt að brjóta niður veggi milli textagerða, milli skáldskapar og fræðitexta, veruleika og skáldskapar.

Hér getur að líta ritdóm um Bókasafnið eftir Kristian Guttesen sem birtist í Hug: Tímariti um heimspeki, 30. ár, 2019, bls. 188-193.