Minningar af Ströndum. Frá Smáhömrum og Þrúðardal

Óli E. Björnsson (Höfundur)

Í þessari bók segir Óli E. Björnsson aðallega frá tveimur sveitabæjum í Strandasýslu, Smáhömrum í Tungusveit og Þrúðardal í Kollafirði. Á fyrrnefnda bænum fæddist hann og bjó til sex ára aldurs en á hinum var honum komið fyrir til sumardvalar fram að fermingaraldri. Óli kemur víða við, rekur sögu bæjanna og greinir frá ábúendum, lýsir náttúrufari og staðháttum af kunnáttu og segir frá starfi fólks og iðju á þessum bæjum og víðar á Ströndum. Allt blandast þetta lýsingum á atburðum úr æsku hans á þessum slóðum. Hér er haldið til haga miklum fróðleik um líf Strandamanna, einkum á fyrri hluta 20. aldar.

Óli E. Björnsson er Strandamaður og höfundur Hólmavíkurbókar sem kom út í tilefni af 100 ára verslunarafmæli Hólmavíkur árið 1990.

268 bls. | 150 x 230 mm | 2006 | ISBN 9979-772-81-6