20. nóv. 2013
Skrímslið litla systir mín kemur út á færeysku
Enn er Skrímslið litla systir mín að leggja land undir fót og ætlar að þessu sinni að heimsækja frændur okkar í Færeyjum. Næstkomandi föstudag, 22. ... [meira]

16. okt. 2012
Skáldsaga eftir Evu Joly kemur út í dag
Skáldsaga Evu Joly og Judith Perrignon kemur í verslanir í dag. Hörkuspennandi saga úr fjármálaheiminum þar sem fléttast saman þræðir stjórnmála, ... [meira]

15. des. 2011
Dæmisögur Esóps besta þýdda barnabókin
Bóksalar veittu í gær verðlaun þeim bókum sem þeim þykja bestar þetta árið. Í þeim hópi var bókin Dæmisögur Esóps sem kosin var besta þýdda ... [meira]

03. feb. 2011
Helgi hlýtur Íslensku bókmenntaverðlaunin
Helgi Hallgrímsson hlaut í gær Íslensku bókmenntaverðlaunin í flokki fræðirita fyrir Sveppabókina. Fyrr í vikunni var bókin tilnefnd til ... [meira]

11. nóv. 2010
Nýjar bækur
Á morgun koma út tvær nýjar bækur hjá Skruddu. Ólafur Haukur Símonarson sendir nú frá sér bókina Ein báran stök sem er mögnuð saga úr íslensku ... [meira]

Skip Navigation Links
Frygð og fornar hetjur
Kynlíf í Íslendingasögum

Verð kr. 3899,-



Íslendingasögur og Sturlunga eru merkasta framlag Íslendinga til heimsbókmenntanna. Saga fyrstu landnemanna og ættingja þeirra er rakin. Höfuðáhersla er lögð á átök, heiður og hefnd en minna fjallað um náin samskipti kynjanna.

Í þessari bók skrifar Óttar Guðmundsson geðlæknir um kynlíf og ástir á söguöld. Árið 2012 gaf Óttar út metsölubókina Hetjur og hugarvíl sem fjallaði um geðsjúkdóma og persónuleikaraskanir í sögunum. Nú gengur hann skrefinu lengra og gægist undir rekkjuvoðirnar í baðstofum og skálum sögualdar og lýsir því sem fyrir augu ber. Íslendingasögur eru bæði siðprúðar og kvenfjandsamlegar bókmenntir þar sem höfundar veigra sér við að ræða opinskátt um kynlíf og ástarmál.

Óttar skoðar sögurnar með augum geðlæknis, túlkar og les milli línanna. Frygð og fornar hetjur bregður upp nýstárlegri og forvitnilegri mynd af ástarlífi á róstusömum tímum.

UMSAGNIR

Óttar Guðmundsson gerir sér að sjálfsögðu grein fyrir annmörkum þess vísindalega tækjabanka sem hann sækir í. Hann hefur fullan húmor fyrir þessum læknisfræðum sem að vonum mátti skynja talsvert miklu betur þegar á hann sjálfan var hlýtt, en við lestur bókarinnar, svo ágæt sem hún nú er.
Jón Viðar Jónsson bókmenntafræðingur

Óttar er aftur mættur til leiks með afar fróðlega og læsilega bók um ástalíf Íslendinga og samskipti kynjanna á Söguöld, Frygð og fornar hetjur. Hann einkar fundvís á áhugaverða kafla úr Íslendingasögunum og eins og áður í bókum hans er húmorinn aldrei langt undan. Inn á milli er þó dapurlegur eða jafnvel harmrænn undirtónn, einkum þegar hann fjallar um örlög þeirra fjölmörgu kvenna og unglingsstúlkna sem máttu sín lítils í karlaveldinu. Óttar skoðar þessar fornu hetjur út frá sjónarhorni nútima geðlæknis og kynlífsfræðings og er óhræddur við að geta í eyðurnar um sálarástand sögupersónanna. Ég mæli eindregið með einstaklega áhugaverðri, fræðandi og skemmtilegri bók.
Halldóra Ólafsdóttir geðlæknir

Fróðlegur skemmtilestur sem opnar lesendum nýjar víddir á miðaldabókmenntir Íslendinga. Í bók Óttars er allt undir, hetjur í hommaskap, þekktir óeirðamenn um kvennafar og harmsögulegar ástasögur. Umfjöllunin um þetta er bæði fyndin og djúprist í yfirgripsmikilli þekkingu höfundar á miðaldabókmenntum okkar og faglegri þekkingu á hvatalífi mannskepnunnar – ómetanlegt framlag til fræðanna.
Bjarni Harðarson útgefandi

Með húmor og samúð þreifar geðlæknirinn Óttar Guðmundsson á veikustu punktum fornkappa okkar. Veikleikum sem hafa reynst mörgum manninum þungur baggi fram á þennan dag. Íslendingar hafa löngum speglað sig í fornum hetjum Íslendingasagna, hér birtist í samúð og húmor ný sýn á þessari íslensku þjóðarvitund.
Magnús Jónsson leiðsögumaður
234 bls. | 135 x 210 | 2016 | ISBN 978-9935-458-44-5
Magnús Þór Jónsson, Megas, hefur um langt skeið verið einn umdeildasti listamaður þjóðarinnar. Hann hefur gefið út fjölda hljómplatna með eigin lögum ... [meira]
Skrudda hefur frá stofnun gefið út vandaðar fræðibækur í glæsilegum útgáfum. Úrvalið má skoða hér. [meira]